Gumrah
Ek ankahi Kahani
~Part 1~
Story by preet singh
Oh god itna trafic meri Toh halat kharab ho gayi upper se yeh log pta bhi chal raha hai ki aage itni gadhiya hai phir bhi piche se horn bajana nahi chorte......ravi ne garmi aur logon ke bewajah horn bajane se tang aake khud me logon ko kosna shuru kardiya .....uska yunn kosna bhi jayaz tha itni garmi me traffic me khade hona aur logon ke horn ki aawaz sunn'nna kisi ko bhi gussa dila sakti hai....upper se woh late ho raha tha apni dost pari se hospital me Milne jaa raha tha....uski dost pari haal hi me apni cancer ki bimari se aazad huyi thi....
Bhut mushkiloon ke baad jaake woh traffic se bahar nikalta hai aur hospital ke raste par nikal padta hai akhir kaar woh hospital pahunch jaata hai....wahan phir usse car park karne me muskil aati hai itni saari gadhiya jaise woh koi car agency's me chala gaya ho ....car park karke woh hospital ke aandar jaata hai aur receptionist se pari mehta ka room puchta hai.....uske btaye ansusaar room no.7 tha ravi room no.7 ki taraf nikal padta hai .....uss room me 3 patient the jinme se ek pari thi aur ek aurat aur aadmi.......ravi jaake pari ke paas baith jaata hai
Ravi:-ab kaisi tabiyat hai
Pari:-(khush hote huye)Pehle se Thik hoon tum btao kaise ho aur kabir kaisa hai
Ravi:-sab thik hain.....uncle aunty nahi aaye
Pari:-aaye the abhi thodi der pehle he gaye hai tujhe pta toh hai yahan par parent's ko paas nahi rehne dete iss liye woh milne aa jaate hain subha shaam.....
Ravi:-hospital ke yeh ajeeb se rule mujhe bilkul samjh nahi aate agar paas koi apna ho toh insaan toh waise he aadha Thik ho jaata hai
Pari:-ab isme kya kar sakte hai rule toh sabke follow karne he padte hain
Battien karte karte achanak ravi ka dhayn uss admi pe jaata hai jo bhut der se uski taraf dekh raha tha usse aisha dekhte dekh ravi bhi usse dekhne lagta hai aisha lagg raha tha jaise dono he ek dusre ko pehchan'ne ki nakaam kosish kar rahe the dono ek dusre ki taraf dekhe jaa rahe the Phir ek dum se ravi bolta hai.....shree
Samne se aawaz aati hai tumne mujhe pehchaan liya....
Ravi bhaag ke jaake uske paas baith jaata hai aur uska haath pakad leta hai...Uske haath pakdte he jaise shree me phir jaan aa gayi ho...uski ankhoon se anshoon girne lagte hai....jo chehera kuch der Pehle mayush aur bejaan tha ab thoda sa khil gaya tha
Ravi:-shree kaise ho tum aur tumhari yeh halat kaise ho gayi
Shree:-bus thik hoon me bus apni zindagi me kiye karmo ka hisaab de raha hoon ....lekin ab tum aa gaye ho naa dekh lena me jaldi thik ho jaunga
Dono ki ankhoon se lagataar anshoon beh rahe the itne samhe baad dono achanak ek dusre se mile the woh bhi shree ki iss halat me....shree ravi ke hathoon ko yunn pakde huye tha jaise barso baad kisi apne se mila ho
Ravi:-kya huya hai tumhe
Shree:-bhut sari bimariyoon ne mere sharer pe apna kabja kar liya hai
Ravi:-lekin kaise huye yeh sab
Shree:-abhi kuch matt pucho bus yunn he mere paas baithe raho bhut samhe baad koi apna mila hai jiske saath kuch wakhat bita sakun.....Kya tum roj mujhse milne aaoge
Ravi:-haan jarur aaunga
Shree:-kahani bhut lambhi hai aishe nahi sunna paaunga
Ravi:-ab tum chinta matt karo me aa gaya hoon naa
Shree:-chinta ki ab koi baat he nahi hai ab tum aa gaye ho meri aadha dukh toh aishe he kamm ho gaya
Ravi kisi ko phone karta hai aur wahan ka saara hal baata deta hai
Ravi:-shree tumhara hospital ka kharcha kon utha raha hai
Shree yeh baat sunke chup ho jaata hai aur ek gehri soch me chala jaata hai
Ravi ke kiye sawal se shree chup ho jaata hai iss sawal ne manno uski dukhti ragg ko pakad liya tha
Ravi:-shree btao kon pay kar raha hai
Shree:-hai koi jo ehsaan kar raha hai mujh pe
Paas me baithi pari dono ki taraf dekh rahi thi
Ravi uski taraf dekhta hai
Areee haan...pari yeh hai shreedhar mere bachpan ka dost hum bachpan se lekar college takk saath me padhe hain sab isse pyaar se shree bulate hain.....
Aur shree yeh hai pari meri dost .....
Dono he ek dusre ko hii kehte hain.....
Ravi dr. Se baat karta hai toh usse pta chalta hai ki shree ka liver aur kidney buri tarah se damage ho chukke hai woh bhi drugs aur cigarette ki wajah se....
Ravi ko aaj apne dost ki halat pe behadh taras aa raha tha lekin woh chah kar bhi kuch nahi kar sakta tha agar kar sakta tha toh bus intezaar shree ke thik hone ka dr. Ke btaye ansusaar shree kareeb 3 mahine se hospital me tha lekin uski halat me koi sudhar nahi aa raha tha balki uski halat aur bigadti jaa rahi thi....jaise usne jeene ki umeed he chor di thi....insaan ko har kaam karne ke liye ek wajah chahiye hoti hai yahan takk ki jeene ke liye bhi lekin shayad shree ki jeene ki woh wajah bhi khatam ho chukki thi....dr. se baat karne ke baad ravi phir jaakar shree ke paas baith jaata hai....
Ravi:-akhir kahan chale gaaye the tum college ke baad naa koi message naa koi call naa kuch
Shree:-bus yunn samjh lo ki zindagi mera imthaan lene ki tayari me thi jiske chalte usne Mujhse meri har woh takat cheen li jo mujhe andhere me bhi ladne ke Kabil banati thi
Ravi:-tumhe aaram ki jarurat hai kitne kamzoor ho gaye ho
Shree:-3 mahine se aaram he toh kar rahan hoon jeene ki har wajah khatam ho chukki thi lgga ab kuch baaki nahi zindagi me lekin tumse mil kar mujhe ek wajah mil gayi hai jeene ki
Ravi:-uncle aunty nahi aaye milne
Shree:-unhone toh shayad mujhse saare rishte tod liye hai unke liye toh shayd me zinda bhi nahi
Ravi:-aisha kyu keh rahe ho akhir huya kya hai inn 4 saalon me jisse me bekhabar hoon
Shree:-zindagi ne majak kiya hai mere saath aur roj mujhpe hasti hai
Ravi:-nahi shree zindagi kabhi majak nahi karti...zindagi toh hume sikhati hai aur zindagi jo sikhati hai woh humare liye mushkil yaa dard dene wala ho sakta hai lekin galat kabhi nahi hota
Shree:-tum aj bhi nahi badle kaash mene uss Wakhat tumhari baat manni hoti toh shayd aaj iss halat me naa hota .....
Doctor wahan aa jaate hai aur woh ravi ko wahan se jaane ke liye kehte hai kyuki ab patient ke aaram karne ka wakhat ho gaya tha aur milne ka wakaht khatam ho chukka tha....
Ravi:-me chalta hoon kal aaunga tumse milne
Shree:-me tumhare intezaar karunga...
Ravi wahan se chala jaata hai parking me aake apni car nikalta hai aur ghar ki taraf chal padta hai gadhi apni raftaar se sarak pe chal rahi thi car me baitha ravi shree ke baare me he soch raha tha abhi kal ka he toh Wakhat tha jab woh dono college me ek saath padhte the bachpan se ek saath padhe ek saath bade huye dono me behadh pyaar tha aur jab dono ko ek dusre ke gay hone ka sach pta chala toh dono ki dosti aur dono ke beech ka pyaar aur bhi gehra ho gaya....
Shree ko relationships me shuru se he koi interest nahi tha....kehne ko toh dono dost the lekin sabhav me zameen aasmaan ka farak tha....ravi traditional tha lekin shree ek dum modern....traditional hone ka matlab yeh nahi ki ravi purane khayalaat yaa andh vishwas jaisi cheezo me vishwas rakhta tha uske ult woh badho ka samaan....brat aur bhagwan me vishwas rakhne wala ladka the....jabki shree naa he badho ka itna samaan karta tha upper se shuru se he woh sharab jaise nashoon ka sokeen tha.....shayd he usse yaad ho ki woh Akhiri baar mandir kab gaya tha.....
Shree ki family rich thi uske mummy papa aksar bade logon ki party's me jaaya karte the uske papa ke saath saath uski mummy bhi sharab peete the aur unke ghar me bhi aaye din yeh sab chalta rehte jiske chalte shree ne bachpan me he sharab ko apne hothoon se lgga liya tha.....
Shree behadh khoobsurat huya karta tha jiske chalte college me kayi ladko ke saath uske sabandh bann chukke the ....
Halaki ravi ko uski yeh baat bilkul achi nahi lagti thi usne kayi baar shree ko samjhane ki kosish ki thi lekin shree har baar enjoyment he toh hai yaar kehke baat ko wahin khatam kar deta....
Ravi ne kayi baar usse kaha bhi tha ki kya woh nahi chahta ki uske jisam par sirf uska haq ho jisse Woh apne jeevan saathi ke roop me chunne ....
Iss baat pe bhi uska kabhi koi serious response nahi aata tha ....college ke baad ravi ko kuch nahi pta tha ki shree ke saath kya huya akhir uski yeh halat kaise huyi....aaj itne saaloon baad usse dekh ravi hairaan bhi tha aur pareshaan bhi....usse samjh nahi aa raha tha ki shree se dubara itne saaloon baad milne par khush ho yaa uski yeh haalat dekh kar dukhi....
Kuch der ke safar ke baad ravi ghar pahunch jaata hai ghar pe koi besabri se uska intezaar kar raha tha ravi jaake soffe pe baith jaata hai piche se koi aake usse baahoon me bhar leta hai .....
Itna wakaht kyu lagga diya....Pta hai naa ki me jayda der takk tumhare bina nahi reh paata.....
Ravi usse dekh halki si muskaan deta hai ....ravi ko yunn pareshan dekh woh shakhs usse puchta hai....
Kya huya itne pareshan kyu ho
Ravi:-kuch nahi bus aishe he
Koi toh baat hai warna tum itne parshan kyu hote ....
Ravi:-ajj me bhut wakaht ke baad apne ek dost se mila yaa yunn kahiye ki apni zindagi ke ek hisse se mila....
Toh yeh toh bhut achi baat hai naa....
Ravi:-nahi.....woh mere samne aaya lekin aishi halaat me jiski mene kabhi kalpana bhi nahi ki thi.....
Matlab.....
Ravi:-mera dost shree bhut buri halat me hai pichle teen mahine se naa jaane kon kon si bimariyoon ne uske zehan me ghar kar liya hai....usse dekh yunn lagga jaise usne jeene ki umeed he chor di ho ....lekin mujhe dekh uski woh umeed jaise laut aayi....
Don't worry ravi dr. Apna kaam kar rahe hain shree thik ho jayega...
Ravi:-woh baat nahi hai kabir.....me iss wajah se pareshan hoon ki akhir inn saaloon me kya huya uske saath jisne uski yeh haalat kardi.....usse uske apno se door kardiya....apko pta hai uske mummy papa usse milne takk nahi aate ....unhe pta bhi nahi ki shree jinda bhi hai yaa nahi
Kabir:-don't worry hum kal usse milne jayenge....phir tum khud usse pooch lena abhi jayada chinta matt karo.....
Arre ravi beta aa gaaye tum.....kamre se ek aurat bahar aati hai....
Ravi:-jii maa
Pari beti ab Kaisi hai .....
Ravi:-thik thi maa....
Kya huya beta kuch pareshan lagg rahe ho
Ravi:-kuch nahi maa bus sirr me thoda dard hai
Toh jao jaake aaram karlo
Kabir:-chalo jaake aaram karlo
Ravi:-jiii
Ravi kamre me chala jaata hai ....
Kabir beta kya huya ravi ko....
Kabir:-kuch nahi maa...keh raha tha koi purana dost mil gaya aaj...jiski tabiyat kuch jayda he kharab hai isse wajah se pareshan hai
Jarur koi bhut azzez dost raha hoga warna mene ravi ko itna pareshan kabhi nahi dekha beta tum jao uske paas....
Kabir bhi ravi ke paas chala jaata hai
Ravi balkuni me khada aasmaan ki taraf dekh raha tha kabir kabse aake khada tha lekin shayad ravi apni he duniya me khooya huya tha jiss wajah se usse kabir ke aane ka ehsaas nahi huya kabir ravi ke kandhe pe haath rakhta hai
Kabir:-me samjh sakta hoon tumhari halat lekin agar tum yunn tension logge toh khud ki tabiyat kharab kar loge
Ravi,:-ap chinta matt kijiye me thik hoon bus kuch der ki baat hai ....
Ravi aasmaan me chaand ko dekh raha tha
Kabir:-tumhe yaad hai shaddi se pehle bhi tum yunn he chaand ko dekha karte hai kahin naa kahin yeh chaand he humare milne ki wajah hai
Ravi:-yeh baat me kaise bhool sakta hoon woh shaam jisne meri zindagi badal di .....
Kabir:-mujhe aj bhi achi tarah yaad hai tum roj park me aate the aur ghaantoon takk yunn he assamaan me dekhte rehte the jaise kuch dhundh rahe ho....
Ravi:-sahi kaha dhundhta he rehta tha Kuch sawaloon ke jawab jo iss chaand se puchta tha socha nahi tha ki itne wakhat baad zindagi phir iss mod pe laake khada kardegi....
Kabir:-aur phir jab me tumhe mila toh shayad tumhe tumhare sawaloon ke jawab bhi mil gaye....
Kabir ki iss baat pe ravi ke chehre pe ek muskaan aa jaati hai
Kabir:-yunn he muskurate raha karo udaasi tumhare chehre pe achi nahi lagti
Ravi:-khana khaake soo jaate hain kal hospital bhi jaana hai
Kabir:-haan chalo
To be continued
Comments
Post a Comment